Bu il “Qızıl top” uğrunda mübarizədə kimin nə qədər xal topladığı məlum olub.

“Football-plus.az” xəbər verir ki, “France Football” həftəliyi mükafat üçün dünyanın 100 ölkəsindən olan jurnalistlər arasında keçirdiyi sorğunun nəticələrini açıqlayıb.

Bilindiyi kimi, mükafatlandırma mərasimi oktyabrın 30-da keçirilmiş və Lionel Messi karyerasında 8-ci dəfə qalib adını qazanmışdı. Ancaq Parisdəki tədbirdə mükafata namizədlərin konkret neçə xal yığdıqlarına aydınlıq gətirilməmişdi. “France Football” artıq hamının xalını açıqlayıb. Beləliklə, Argentina yığmasının “İnter Mayami”də çıxış edən hücumçusu Messi 462 xalla 1-ci olub. 2-ci yeri tutan Erlinq Holann (“Mançester Siti”, Norveç) 357, 3-cü yerin sahibi Kilian Mbappe (PSJ, Fransa) 270 xal toplayıb. Sorğunun nəticələrinə əsasən sonrakı 7 yeri tutan oyunçuların göstəriciləri isə belə olub: 4. Kevin De Bruyne (“Mançester Siti”, Belçika) 100, 5. Rodriqo (“Mançester Siti”, İspaniya) 57, 6. Vinisius Junior (“Real”, Braziliya) 49, 7. Xulian Alvares (“Mançester Siti”, Argentina) 28, 8. Viktor Osimhen (“Napoli”, Nigeriya) 24, 9. Bernardo Silva (“Mançester Siti”, Portuqaliya) 20, 10. Luka Modriç (“Real”, Xorvatiya) 19.