"Neftçi" Türkiyə superliqası klublarıyla qarşılaşacaq

Türkiyədə təlim-məşq toplanışı keçən "Neftçi"nin yoxlama görüşündə qarşılaşacağı rəqiblər bəlli olub.

"Football-plus.az" xəbər verir ki, "ağ-qaralar" ilk olaraq iyulun 13-də Türkiyə Superliqa təmsilçisi “Alanyaspor”la üz-üzə gələcək.

Növbəti yoxlama görüşü isə iyulun 17-də keçiriləcək. Rəqib digər superliqa klubu “Sivasspor” olacaq

Qeyd edək ki, iyulun 8-də qardaş ölkəyə yollanan paytaxt təmsilçisinin üzvləri ayın 9-dan etibarən baş məşqçi Roman Qriqorçukun rəhbərliyi altında gündə iki dəfə məşqə çıxır. Səhər hazırlığında fiziki, axşam məşqində isə əsasən toplu çalışmalar yerinə yetirilir.