Radamel Falkao artıq “Milyonarios”un sıralarındadı. Onun bu kluba keçidi rəsmiləşib.

Kolumbiya klubu Radameli heyətinə azad agent kimi cəlb edib. Avropada “Atletiko”, “Portu”, “Monako”, “Mançester Yunayted”, “Çelsi” və “Qalatasaray”da oynayan Kolumbiya yığmasının hücumçusu 38 yaşında karyerasını vətənində davam etdirmək qərarını verib.

Sonuncu klubu “Rayo Valyekano” (İspaniya) olan Falkaonun “Millonarios” ilə bağladığı müqavilənin detallarına aydınlıq gətirilmir.