“Klubla birillik müqavilə bağladım. Çünki sonrasını dəqiq bilmək olmur, özümü necə hiss eləməyimdən aslıdı. Amma çox güman, karyeramı bitirəcəm. Həyatda hər şey ola bilər, indidən heç nə demək olmaz. Bəlkə də çoxu fikirləşir ki, 38 yaşı var idi, artıq heç bir təklif yox idi, ona görə burda qalıb. Ola bilər ki, azarkeşlərin xəbəri olmasın, amma klub rəhbərliyi bilir ki, yaxşı təkliflərim var idi. Mən isə onları dəyərləndirmədim. Çünki "Qəbələ"ni bu vəziyyətdə qoyub getmək istəmədim. Bəzən görürəm ki, kimsə deyir 38 yaşında hara gedəcəkdi? Elə sizin vasitənizlə bu məsələyə aydınlıq gətirmək istəyirəm. Bir Allah, bir də klub nümayəndələri bilir ki, neçə təklifim var idi. Bəli, Elmar Baxşıyev də mənə təklif göndərmişdi. Ona da minnətdaram ki, mənə inanıb. Amma oturub danışdıq və getmək istəmədim. Ona görə ki, burda futbolçu kimi yox, klubun bir üzvüyəm. Demək olar, evimdən çox “Qəbələ”də olmuşam. Bu üzdən getmək istəmədim. Gələcəkdə komanda elitaya qayıdandan sonra nələr olar, necə olar, onu deyə bilmərəm. Demirəm ki, növbəti mövsüm bütün oyunlarda 90 dəqiqə meydanda olacam. Amma əsas oyunçu kimi heyətdə olmağım yaxşıdı. Gələcəkdə isə harda olacağım bilinmir. Yəqin futbolda qalacam. "Qəbələ" kimi klubda kim məşqçi kimi işləmək istəməz ki?! Mənə fəxr olar ki, belə komandada qalıb işləyim. Amma hər şeyi zaman göstərəcək. Hələ təcrübə yığmalıyam. Sonra böyük nələrsə barədə fikirləşərəm. Çox istərəm ki, gələcəkdə futbolda olacamsa, karyeramı elə "Qəbələ"də davam etdirim”.