“İlk növbədə qeyd edim ki, Mikelsin transferi heç də asan olmadı. Azarkeşlər tərəfindən sevilən oyunçudu. Bu işdə ən böyük pay sahibi klub prezidenti Maqsud Adıgözəlov oldu. Həmçinin icraçı direktoru Ramin Həsənovun da rolu var. Hər birinə minnətdaram. Anlaşmanın baş tutması üçün böyük əziyyət çəkdilər, futbolçuya "Sabah"da yenidən şans verdilər. Mikelslə işdən əlavə dostluq münasibətim var. Şadam ki, yenidən onu Azərbaycana gətirdim. Buranı çox sevir, həmişə də hər yerdə deyir ki, Azərbaycan mənim ikinci vətənimdi. Bizim xalqımıza, millətimizə və mədəniyyətimizə bağlıdı. Hər bir mənada hamıya xeyirli olsun. Əminəm ki, Mikelslə "Sabah" daha da güclənəcək. Komanda daha çox qol vuracaq. Bunu mövsüm ərzində görəcək, şahid olacağıq”.