С qrupu
N 16. Sloveniya – Serbiya 1:1 (0:0)
1. Yan Oblak (k)
13. Erik Yanja
6. Yaka Biyol
21. Vanya Drkuşiç
2. Jan Karniçnik
17. Yan Mlakar
(5. Yon Qorents-Stankoviç, 64)
10. Timi Elşnik
(23. David Brekalo, 90+1)
22. Adam Qnezda-Çerin
20. Petar Stoyanoviç
(7. Benyamin Verbiç, 76)
11. Benyamin Şeşko
(18. Jan Vipotnik, 76)
9. Andraj Şporar
Ehtiyat oyunçular
12. Vid Belets
16. İqor Vekiç
3. Yure Balkovets
4. Miha Blajiç
8. Sandi Lovriç
14. Yasmin Kurtiç
15. Tomi Horvat
19. Jan Selar
24. Nino Juqel
25. Adrian Zelkoviç
26. Yosip İliçiç
Baş məşqçi: Matyaj Kek
1. Predraq Raykoviç
2. Strahinya Pavloviç
4. Nikola Milenkoviç
13. Milo Velkoviç
25. Filip Mladenoviç
(21. Miyat Qaçinoviç, 46)
22. Saşa Lukiç
(20. Sergey Milinkoviç-Saviç, 64)
17. İvan İliç
14. Andriya Jivkoviç
(26. Velko Birmançeviç, 82)
10. Duşan Tadiç (k)
(19. Lazar Samarciç, 82)
9. Aleksandar Mitroviç
7. Duşan Vlahoviç
(8. Luka Yoviç, 64)
Ehtiyat oyunçular
12. Corce Petroviç
23. Vanya Milinkoviç-Saviç
3. Nemanya Stoyiç
5. Nemanya Maksimoviç
6. Nemanya Qudel
11. Filip Kostiç
15. Srcan Babiç
16. Srcan Mihayloviç
18. Petr Ratkov
24. Uroş Spayiç
Baş məşqçi: Draqan Stoykoviç
Qollar: J.Karniçnik, 69 (1:0). L.Yoviç, 90+5 (1:1).
Vərəqələr: F.Mladenoviç, 25. S.Lukiç, 54. E.Yanja, 87. L.Yoviç, 90+2. M.Qaçinoviç, 90+3. J. Vipotnik, 90+4 - sarı.
Hakimlər: İŞTVAN KOVAÇ, Vasile Marinesku, Ovidiu Artene (hamısı Rumıniya).
VAR hakimləri: Pol van Bukel, Rob Diperink (hər ikisi Niderland), Marko Frits (Almaniya).
20 iyun. Münhen. “Allyants Arena” stadionu. 63028 tamaşaçı (66000 yerlik).
Birinci hissəyə 4, ikinci hissəyə 6 dəqiqə əlavə olunub.
Oyunun ən yaxşısı: Jan Karniçnik.
oyunun statistikası
10 (4) qapıya (“çərçivə”yə) zərbə 15 (4)
13 qayda pozuntusu 8
4 künc zərbəsi 9
0 ofsayd 0
2 (0) sarı (qırmızı) vərəqə 4 (0)
44 topa sahibolma (faizlə) 56
347 (280) ötürmə (dəqiq) 538 (482)
113,7 məsafə (km) 110,9

Sloveniya və Serbiya milliləri arasında oyunun olduqca gərgin mübarizə şəraitində keçəcəyi əvvəlcədən gözlənilirdi ki, belə də oldu. Hər iki komanda ilk turda pley-offa yüksəlmək gücündə olduğunu göstərdi. Serbiya yığması İngiltərəyə minimal hesabla uduzsa da, layiqi müqavimət göstərə bildi. Sloveniya isə Danimarka kimi çətin rəqiblə matçda məğlubiyyətdən qaçdı. Draqan Stoykoviç ilk görüşlə müqaysədə start heyətində bir neçə dəyişik etdi. Belə ki, İngiltərəyə qarşı sonradan meydana çıxmasına etiraz edən kapitan Tadiç bu dəfə ilk “11-lik”də yer aldı. Sergey Milinkoviç-Saviçin ehtiyatda qalması isə təəccübləndirdi. Kek Danimarka ilə oyundakı start heyətinə bu dəfə də güvəndi.

Həm Sloveniya, həm də Serbiya yalnız qələbə haqda düşünürdü, bərabərlik heç bir tərəfi, xüsusən də ikinciləri qane etmirdi. İlk hissə bərabər səviyyədə keçsə də, Kekin komandası bir qədər daha yaxşı görünürdü. Serbiya yığması fasilədən dərhal sonra sürəti artırdı. Əvvəlcə Oblak Mitroviçin təhlükəli zərbəsini dəf etdi. Ardından Biyol az qala topu öz qapısına göndərəcəkdi. Amma sloveniyalılar tədricən oyunu bərabərləşdirdi. Raykoviç Şeşkonun fərqlənməsinə imkan verməsə də, 10 dəqiqə sonra serblərin qapıçısi də aciz qaldı. Matçın ən yaxşısı seçilən Karniçnik başladığı əks-hücumu özü məntiqi sonluğa çatdırdı. Bundan sonra Serbiya millisi irəli atılmağa məcbur oldu. Serblərin rəqib qapısı qarşısında ardıcıl çoxsaylı standart vəziyyətləri 90+5-ci dəqiqədə bəhrə verdi: 2-ci hissənin ortalarında meydana çıxan Yoviç komandasının xilaskarına çevrildi.

Son tur ərəfəsində Sloveniyanın 2, Serbiyanın isə cəmi 1 xalı olsa da, Kekin komandasının işinin daha asan olacağını demək çətindi. Belə ki, sloveniyalılar qrupun aşkar favoriti sayılan İngiltərə ilə qarşılaşacaq. “Üç şir”in hələ də liderliyi təmin edə bilmədiyini nəzərə alsaq, var qüvvəsi ilə oynayacağı dəqiqdi. Serbiya isə növbəti böyük turnirdə əla heyətə malik olmasına baxmayaraq, ümidləri doğrultmur.