C qrupu
N 6. Sloveniya – Danimarka 1:1 (0:1)

1. Yan Oblak (k)
13. Erik Yanja
6. Yaka Biyol
21. Vanya Drkuşiç
2. Jan Karniçnik
17. Yan Mlakar
(19. Jan Selar, 75)
10. Timi Elşnik
(5. Yon Qorents-Stankoviç, 75)
22. Adam Qnezda-Çerin
20. Petar Stoyanoviç
(7. Benyamin Verbiç, 67)
11. Benyamin Şeşko
(14. Yasmin Kurtiç, 64)
9. Andraj Şporar
(23. David Brekalo, 90+4)

Ehtiyat oyunçular
12. Vid Belets
16. İqor Vekiç
3. Yure Balkovets
4. Miha Blajiç
8. Sandi Lovriç
15. Tomi Horvat
18. Jan Vipotnik
24. Nino Juqel
25. Adrian Zelkoviç
26. Yosip İliçiç
Baş məşqçi: Matyaj Kek

1. Kasper Şmeyhel (k)
3. Yannik Vesterqor
6. Andreas Kristensen
2. Yoakim Andersen
17. Viktor Kristiansen
(5. Yoakim Mehle, 77)
23. Pyer-Emil Höybyerq
(15. Kristian Nerqor, 83)
21. Morten Yulmann
(8. Tomas Dileyni, 89)
18. Aleksander Ba
10. Kristian Eriksen
9. Rasmus Höylunn
(20. Yussuf Poulsen, 83)
19. Yonas Vind
(12. Kasper Dolberq, 83)

Ehtiyat oyunçular
16. Mads Hermansen
22. Frederik Rennov
4. Simon Kyaer
7. Matias Yensen
11. Andreas Skov Olsen
13. Matias Yorgensen
14. Mikkel Damsqor
24. Anders Dreyer
25. Rasmus Kristensen
26. Yakob Brun Larsen
Baş məşqçi: Kasper Yulmann

Qollar: K.Eriksen, 17 (0:1). E.Yanja, 77 (1:1).
Vərəqələr: M.Yulmann, 49. P.Stoyanoviç, 53. J.Selar, 84 - sarı.
Hakimlər: SANDRO ŞERER, Stefan de Almeyda, Bekim Zoqay (hamısı İsveçrə).
VAR hakimləri: Fedayi San (İsveçrə), Bartoş Frankovski, Tomaş Kvyatkovski (hər ikisi Polşa).
16 iyun. Ştutqart. “MHP Arena” stadionu. 54000 tamaşaçı (60058 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun ən yaxşısı: Kristian Eriksen.

oyunun statistikası
11 (2) qapıya (“çərçivə”yə) zərbə 16 (4)
12 qayda pozuntusu 9
5 künc zərbəsi 9
3 ofsayd 1
2 (0) sarı (qırmızı) vərəqə 1 (0)
38 topa sahibolma (faizlə) 62
331 (259) ötürmə (dəqiq) 669 (590)
112,3 məsafə (km) 108,7

Sloveniya yığması qitə çempionatındakı debütündən 24 il sonra bu turnirdəki ikinci çıxışına qənaətbəxş nəticə ilə başladı. Hər halda balkanlıların rəqibi üç il əvvəlki Avropa çempionatının yarımfinalçısı idi.

Həyat ən yaxşı ssenarstdi. Danimarka yığmasının AÇ-2020-də keçirdiyi Finlandiya ilə ilk oyununda futbol dünyası Eriksenə görə şok yaşamışdı. Komandanın aparıcı oyunçusu qəfil yerə yıxılmış və oyunu davam etdirə bilməmişdi. Onun ürəyində yaranan problem səbəbindən karyerasını davam etdirib-etdirməyəcəyi sual altında idi. Amma bütün çətinliklərə sinə gərən Kristian müəyyən vaxtdan sonra sonra yaşıl meydana qayıtdı. Və cari qitə çempionatında komandasının start heyətində meydana çıxdı. Taleyin gərdişinə bax ki, Sloveniya ilə oyunda hesabı məhz təcrübəli futbolçu açdı! Onun komandası ilk hissədə kifayət qədər hücum təşkil etdi, lakin yalnız 17-ci dəqiqədə baş verən epizodu qola çevirə bildi. Şimallıların qapıçısı Şmeyhel fasiləyə qədər bir dəfə olsun oyuna ciddi şəkildə qoşulmağa məcbur olmadı.

Əslində slovenlərin əvvəlcə diqqəti böyük ölçüdə müdafiəyə ayırması təbii qarşılanmalıdı. Amma Matyaj Kekin komandası fasilədən sonra güclü rəqibinin davam edən hücumlarına cavab verməyə çalışırdı. 77-ci dəqiqədə Yanja qapıya orta məsafədən hesabı bərabərləşdirdi. Danimarkalıların dərhal böyük qüvvə ilə irəli atılacaqları gözlənilirdi. Kasper Yulmannın komandası təşəbbüsü ələ aldı, amma ilk hissədəki üstünlüyünü bərpa edə bilmədi. Sloveniya 2000-ci ildə olduğu kimi, qitə çempionatına heç-heçə ilə başladı (onda Yuqoslaviya ilə matç daha məhsuldar alınmışdı – 3:3). Kekin komandası Danimarka ilə oyunda xarakterə malik olduğunu göstərdi. Belə görünür, çoxlarının ciddi rəqib gözü ilə baxmadığı slovenlər qrupda heç kimə asanlıqla təslim olmayacaqlar.