2024/25 mövsümündə premyer-liqada çıxış edəcək "Şamaxı" heyətin komplektləşdirilməsini davam etdirir.

"Football-plus.az"ın əldə etdiyi məlumata görə, bu məqsədlə danışıq aparılan futbolçulardan biri də Amil Yunanovdu.

Baş məşqçi Ayxan Abbasov komandanı elitada saxlaya bilmək üçün məhz 31 yaşlı hücumçunun xidmətindən yararlanmaq niyyətindədi. Bu üzdən "şirlər" "Kəpəz"lə ortaq məxrəcə gəlməkdə çətinlik çəkən hücumçuya təklif göndərib. Gəncə təmsilçisinin futbolçuyla bağlı qeyri-müəyyənliliyi Amili "Şamaxı" variantı üzərində düşünməyə sövq edir.

Qeyd edək ki, Amil "Turan Tovuz"un yetirməsidi. O, karyerası ərzində "Neftçi", "Qəbələ", "Neftçala", "Rəvan", "Sumqayıt", "Keşlə", "Səbail", "Şamaxı" və "Kəpəz" klublarının formasını geyib.

KƏNAN BAHADIR