“Ələmdar müəllimlə 30 ildi tanışıq. Bu zaman müddətində aramızda heç bir inciklik olmayıb. Klubdan ayrılmasına gəlincə, öz qərarıdı. Hətta mənə heç nə deməmiş bu barədə qərar verib. İndi qərar özünündü. Bəlkə də uşaq futboluna, bəlkə də başqa kluba keçmək istəyir, bilmirəm. Yəni onun gələcək planlarından xəbərim yoxdu. Qeyri-peşəkarlıq məsələsinə gəlincə, onun özündən soruşdum. Bildirdi ki, mənlə bağlı deyil. Bəlkə də rəhbərlikdə kimləsə narazılığı olub deyə elə ifadə işlədib. Yoxsa bizim arasımzda uzun illərə söykənən yoldaşlıq münasibətləri var. O ki qaldı mətbuatda maliyyə məsələləriylə bağlı yazılanlara, onların heç bir əsası yoxdu. Bütün işlərə federasiya tərəfindən nəzarət edilir. Hər ay klubdakıların ödənişləri edildikdən sonra AFFA-ya hesabat verilir. Heç bir futbolçu deyə bilməz ki, onun maaşı ödənilməyib. Özlərindən də soruşa bilərsiz”.