İspaniyanın Kral Tennis Federasiyası yığmanın Paris Olimpiadasında iştirak edəcək heyətini açıqlayıb.

“Football-plus.az” xəbər verir ki, cütlərin yarışında İspaniyanı Rafael Nadalla Karlos Alkaras təmsil edəcək. Həmin tennisçilər fərdi yarışa da qatılacaq. Yığmanın heyətinə həminin Pablo Karrenyo Busta, Alexandro Davidoviç Fokina, Marsel Qranolyers, Sara Sorribes və Kristina Bukşa daxildi. Paula Badosa kürəyindəki zədə üzündən turniri buraxacaq.

38 yaşlı Nadal ikiqat olimpiya çempionudu: Pekin-2008-də fərdi, Rio-de-Janeyro-2016-da isə cütlərin yarışında qalib gəlib. Amma Nadal builki Uimbldon turnirini buraxacaq. Bu haqda bilgi verən yığmanın kapitanı David Ferrerin dediyinə görə, Nadal Paris Olimpiadasına daha yaxşı hazırlaşmaq istəyir. Rafaelin mayın əvvəlində “Rolan Qarros”un elə ilk dövrəsində almaniyalı Aleksandr Zverevə uduzmaqla (3:6, 6:7 (5:7), 3:6) mübarizəni dayandırdığını da xatırladaq.