“Mersedes” 17 yaşlı pilot Andrea Kimi Antonelli ilə müqavilə bağlayıb.

“Football-plus.az” xəbər verir ki, “Sport.de” nəşrinin yaydığı xəbərə görə, italiyalı pilot artıq “Formula-1” komandası ilə bütün şərtləri razılaşdırıb. Beləliklə, gələn mövsüm “Mersedes”in şərəfini Corc Rassell və Lüis Hemiltonu əvəz edəcək Antonelli qoruyacaq.

Antonelli 2019-cu ildən “Mersedes”in yeniyetmə akademiyasının iştirakçısıdı. Hazırda o, “Formula-1”də yarışan “Prema”nın heyətindədi. 17 yaşlı italiyalı 48 xal toplamaqla hazırda şəxsi hesabda 6-cı pillədə qərarlaşıb.
Bu arada "Red Bull"un niderlandlı pilotu Maks Ferstappen "Formula 1" tarixinin ən yaxşı beş pilotunun adını açıqlayıb. O, almaniyalı Mihael Şumaher, braziliyalı Ayrton Senna, ingiltərəli Lüis Hemilton, ispaniyalı Fernando Alonso və argentinalı Xuan Manuel Fanxionun adını çəkib.

Karyerasında üç çempionluq (2021, 2022, 2023) qazanmasına baxmayaraq, Ferstappen özünü bu siyahıya daxil etməyib və hələ çox gənc olduğunu deyib.