“Mersedes” Hemiltonu 17 yaşlı yeniyetmə ilə əvəz edəcək?
“Merdedes”in rəhbəri Tofo Volff yeniyetmə italiyalı pilot Kimi Antonellinin bu komandada əfsanəvi Lüis Hemiltonu əvəz edə biləcəyini təsdiqləyib.
Ancaq o, 17 yaşlı istedadın “Formula-1”ə gəlişinin sonrakı taleyinə neqativ təsir edə biləcəyindən ehtiyatlanır:
“Hələ ki dəqiq bilmirəm. Düşünürəm ki, çox şey Kiminin özündən asılı olacaq. Mən ona əlavə təzyiq göstərmək istəmirəm. Kimi dahi pilota çevrilə bilər. Biz onu 17 yaşında “Formula-1” maşınının sükanı arxasına keçməyə məcbur etməklə “əritmək” istəmirik”.
Antonelli 2019-cu ildən bəri “Mersedes”in yeniyetmə akademiyasının iştirakçısıdı. Hazırda “Prema”nın heyətində “Formula-2” çempionatında çıxış edir. Kiminin komanda yoldaşı Oliver Berman cari mövsümdə “kral avtoyarışları”nda debüt edib, Səudiyyə Ərəbistanı mərhələsinin iştirakçıları arasında olub.
Digər xəbərlər
