[b]Kilian Mbappenin bu yay iş yerini dəyişmək ehtimalı yüksəkdi.
[/b
"Football-plus.az" xəbər verir ki, onun uğrunda mübarizəyə “Liverpul” da qoşulub.

İngiltərə klubu PSJ-nin hücumçusu üçün “Real”la rəqabət aparmaq istəyir. “Marca” qəzetinin xəbərinə görə, mersisaydlılar 24 yaşlı oyunçu üçün 300 milyon avrodan çox ödəməyə hazırdılar.

Məlumatda həmçinin bildirilir ki, PSJ-nin sahibi olan Qətər əmiri Təmim bin Həməd Əl-Tani Mbappenin klubla 2024-cü ilin iyun ayının sonuna qədər qüvvədə olan müqaviləsini yeniləməmək qərarına görə çox qəzəblənib.

Paris klubunun rəhbərliyi fransalı dünya çempionunun yeni müqavilə bağlayacağına əmin olsa da, Kilian yeni anlaşma layihəsini qəbul etməyib.

Yeri gəlmişkən, bir neçə gün əvvəl “Real”ın bu yay Mbappeni 250 milyon avroya almağa hazır olduğu barədə xəbər yayılmışdı.