“Mayın 20-də sonuncu oyunu keçirəndən sonra məşq etmədik. Çünki pley-off məsələsinə görə qərarsızlıq vardı. Sırağagün iclasdan sonra məlum oldu ki, rəqibimiz "Araz Saatlı" olacaq. Artıq dünəndən məşqlərə start vermişik. İclasda stadion və oyunların tarixi barəsində məlumat verildi. İyunun 8-9-da pley-offun ilk oyunu, 15-16-da isə cavab görüşü keçiriləcək (PFL hələ oyun gününü açıqlamayıb – red.). Birinci oyunda ev sahibi bizik. "Difai Ağsu"ya qarşı hazırlaşırdıq. Amma qərar gözləmədiyimiz kimi oldu. Razılaşmağa məcburuq, başqa yolumuz yoxdu. Bir həftə içində bütün planlarımızı "Araz Saatlı" üzərində quracağıq. Çətin olacağına görə deyil. Bu dəyişiklik nəticəsində "Cəbrayıl" hec nə qazanmadı. "Difai Ağsu" pley-off oynamalıydı, amma oynamadı, "Araz Saatlı" 1-ci liqadan düşməliydi o da düşmədi. Udan hər iki tərəf oldu, üçüncü tərəf - "Cəbrayıl" isə heç nə qazanmadi. Klub olaraq, gözləntimiz fərqli idi. Əslində əvvəlcədən sonuncu yeri tutan komanda aşağı düşməli, 9-cu yerdə olan “Difai Ağsu” bizlə pley-off oynamalıydı. Amma "İrəvan"a lisenziya verilmədisə, pley-offsuz 1-ci liqaya çıxacağımızı düşündük. Təəssüf ki, belə olmadı”.

“Pley-off mərhələsinə hazırlığa başlamışıq. Rəqibimizi daha yaxşı tanımaq üçün bir neçə oyununu izləmişəm. Yetərincə tanınmış baş məşqçiləri var. Onu da qeyd edim ki, Cavid Hüseynov həm futbolçu kimi oynadığı, həm də məşqçi çalışdığı dönəmlərdə xüsusi bacarığı ilə diqqətimi çəkən mütəxəsislərdən biridi. Bu bir tərəfdən mənim üçün ikiqat məsuliyyət tələb edir. Çalışacağıq ki, baxımlı oyunla yadda qalaq. Həm 110 minlik rayonumuz, həm də bütövlükdə Azərbaycan futbolu üçün yaddaqalan oyun nümayiş etdirmək istəyirik”.