“Edmonton” ilk oyunda darmadağın oldu
İyunun 8-dən 9-na keçən gecə Milli Hokkey Liqasında Stenli kuboku uğrunda final seriyası start götürdü.
“Football-plus.az” xəbər verir ki, “Florida” ilk oyunda “Edmonton”u darmadağın etdi. Qonaqların hücumçusu Konnor Makdevid oyundan sonra belə dedi:
“Oyunumuzda bir çox cəhət xoşuma gəldi. Təslim olmadıq, ancaq bir qədər “boşaldıq” ki, bu da təhlükəlidi. Bəlkə də hokkey Allahı “Dallas”la seriyanın 6-cı oyununda başverənlərin əvəzinoi çıxır. Həmn oyunda, yəqin ki, qələbəni haqq etməmişdik. Bugünkü oyunda isə bir və ya iki qol vurmağa layiq idik. Ancaq qol vurmağın yolunu tapa bilmədik”.
Makdevidin belə danışmaq üçün əsası var. Doğrudan da, “Dallas”la yarımfinal oyununda bu komanda 34, “Edmonton” isə 10 zərbə vurmuşdu. “Neftçilər” həmin oyunda qalib gəlmişdi. Amma final seriyasının ilk oyununda onların 32 zərbəsi fonunda “Florida” 18 zərbə hesabına üç qol vurdu.
Bu arada Kanadadakı “McDonald's” sosial şəbəkə hesabına 27 yaşlı Makdevidə maraqlı təşəbbüslə müraciət edib. Bu müəssisənin təmsilçiləri “neftçilər” Stenli kubokunu qazanacağı təqdirdə restoranın adını dəyişəcək:
“Konnor Makdevud sən kuboku Kanadaya gətirsən, biz də Edmontondakı “McDonald's”ı “McDavid's” edəcəyik. Razılaşdıq?”
Bu seriyada 2-ci oyunun bu gün keçiriləcəyini də xatırladaq. Makdevid 2015-ci ildən “Edmonton”un şərəfii qouyur. Kanadalı ulduz MHL-in 2023/24 mövsümündə müntəzəm çempionatda keçirdiyi 76 oyunda 132 (32+100) xal toplayıb. Pley-offda isə 19 oyuna 5 qol, 26 məhsuldar ötürməsi var.
Bu arada MHL və Oyunçular Assosiasiyası komandaların 2024/25 mövsümü üçün əməkhaqqı diapazonun elan edib. Ən aşağı hədd 65 milyon, orta hədd 76,5 milyon, yuxarı hədd isə 88 milyon dollar olacaq. Beləcə 2023/24 mövsümü ilə müqayisədə əməkhaqqı tavanı 4,5 milyon dollar artıb. Minimum əməkhaqqı da ötənilki 750 min dollar ilə müqayisədə artacaq və 775 min dollara çatacaq.
Florida – Edmonton 3:0 (1:0, 1:0, 1:0)
Seriyada hesab – 1:0.
Digər xəbərlər
