Usik Çisoranı Füridən üstün tutdu
Superağır çəkidə mütləq dünya çempionu Aleksandr Usik (22-0) bildirib ki, Derek Çisora (34-13) WBC versiyası üzrə sabiq çempion Tayson Füridən (34-1) daha güclü zərbə vurur:
“Ən çətin döyüşüm Füri ilə olub? Bəli? Ən güclü zərbə ondadı? Xeyr. Derek Çisora sərt oğlandı. Onun bir zərbəsi əlcəyimi tutdu və öz-özümə dedim ki, Allahım bu nədi, sanki beysbol zərbəsidi”.
Xatırladaq ki, məhz Füriyə qalib gələn Usik superağır çəkidə mütləq dünya çempionu olub. Onun artıq altı kəməri bar. Bunların dördü əsas (WBA (Super), WBC, IBF, WBO), ikisi (IBO və The Ring) 2-ci dərəcəlidi. Həmin döyüş mayın 19-da Səudiyyə-Ərəbistanının paytaxtı Ər-Riyadda keçirilib.
Digər xəbərlər
