“Qarabağ”ın təcrübəli legioneri Abdullah Zubir klubdan ayrıla bilər.

“Football-plus.az” Fransa mətbuatına istinadla xəbər verir ki, bu ayın sonunda ağdamlılarla müqavilə müddəti bitəcək 32 yaşlı futbolçu yeni razılaşma imzalamaya bilər. Almaniya təmsilçisi “Auqsburq”la Şotlandiya lideri “Seltik” və Fransadan sabiq komandası “Lans” onu yaxından izləyir. Futbolçu “Lans” variantına daha isti yanaşır.

Xatırladaq ki, fransalı yarımmüdafiəçi 2018-ci ildə məhz bu komandadan “Qarabağ”a transfer olunub.

KAMAL SƏFƏR