“Lill”də gözlənilən ayrılıq rəsmiləşib.

“Football-plus.az” xəbər verir ki, Paulu Fonseka artıq bu komandanın baş məşqçisi deyil.

Portuqaliyalı mütəxəssisin iyunun 30-da qüvvədən düşəcək müqaviləsi yenilənməyib. Onun Fransa klubu ilə əməkdaşlığın müddətini artırmayacağı gözlənilirdi: bu haqda yerli mənbələr bir neçə həftə əvvəl xəbər yaymışdı. Fonseka “Lill”i 2022-ci ildən çalışdırırdı. Komanda yenicə başa çatan mövsümdə ölkə çempionatını 4-cü yerdə başa vuraraq Çempionlar Liqasında iştirak hüququ qazanıb. Artıq Fonsekanın xələfi məlumdu. Onun yerinə Bruno Jenezio təyinat alıb. 57 yaşlı mütəxəssis bundan əvvəl “Lion”, “Renn” və “Beytszin Qoan”ı çalışdırıb.

Fonsekanın isə tezliklə İtaliyaya qayıdacağı iddia edilir. Onun “Milan”da Stefano Pyolini əvəzləmək şansı var. Bəzi mənbələr hətta məşqçinin artıq İtaliya klubu ilə “2+1 il” sxemi üzrə razılığa gəldiyini və ilə 3 milyon avro maaş alacağını da xəbər verib.