“Karyeramın ən çətin iki ili“ - Şahruddin Məhəmmədəliyev
Azərbaycan millisinin və "Adana Demirspor"un qapıçısı Şahruddin Məhəmmədəliyev instaqram hesabında paylaşım edib.
“Football-plus.az” xəbər verir ki, 29 yaşlı qolkiper yeni başa çatan Superliqadakı mövsümü dəyərləndirib:
“Karyeramın ən çətin iki ili: üç əməliyyat, səkkiz aylıq sağalma, çoxlu ağrılar, boşa çıxan enerji və emosiyalar var idi. Geri qayıtmaq, daha güclü olmaq üçün cəhdlər edildi, hər şey üçün Allaha şükürlər olsun. Çoxlu sevgi və hər kəsə təşəkkürlər".
Şahruddin 2023-cü il sentyabr ayında "Adana Demirspor"a keçib və bu klubla müqaviləsi gələn il iyunun 30-da başa çatacaq.
