Olivye Jiru beynəlxalq karyerası ilə bağlı qərar verib. O, yayda Fransa yığmasını tərk edəcək.

Mövsümün sonunda “Milan”ı “Los Anceles”ə (ABŞ) dəyişəcək hücumçu Amerikaya yollanandan sonra milli komanda ilə vidalaşacaq. 37 yaşlı futbolçu bununla bağlı “Ekip” qəzetinə açıqlama verib. O, AÇ-2024-ün onun üçün milli komanda ilə sonuncu turnir olacağını deyib.

Qeyd edək ki, Olivye yığmada 2011-ci ildən çıxış edir. Ötən müddətdə milli formanı 131 oyunda daşıyan hücumçu 57 qol vurub. O, 2018-ci ildə “üçrənglilər”lə dünya çempionu olub.