AÇ-dən sonra milli komandanı tərk edəcək
Voytsex Şçensnı beynəlxalq karyerası ilə bağlı qərar verib.
"Football-plus.az" xəbər verir ki, “Yuventus”un qapıçısı bu yay keçiriləcək Avropa çempionatının onun üçün Polşa millisində son yarış olacağını açıqlayıb.
33 yaşlı futbolçu bu barədə “Foot Truck”a açıqlamasında belə deyib:
“Avropa çempionatından sonra yığma karyeramı başa vuracağam. Heç kim məni bu qərarı dəyişməyə inandıra bilməz. Artıq ailəm planlarımızın nə olduğunu bilir. Dünya çempionatı ilə bağlı yeni tsikli sona çatdırmaq mümkün deyilsə, ona başlamağın mənası yoxdu”.
Voytsex Polşa yığmasında 2009-cu ildə debüt edib. İndiyədək milli formanı 81 oyunda geyib. Onun milli komandası AÇ-2024-də Niderland, Avstriya və Fransa ilə eyni qrupda çıxış edəcək.
