Niçuşkin yenə “Kolorado”nu pis vəziyyətdə qoydu
MHL-in rəsmi saytının yaydığı xəbərə görə, “Kolorado”nun forvardı Valeri Niçuşkin bu liqada yarışan hokkeyçilər üçün nəzərdə tutulan yardım proqramının 3-cü mərhələsinə keçirilib.
“Football-plus.az” xəbər verir ki, 29 yaşlı rusiyalı ən azı 6 ay müddətinə, özü də maaş verilmədən hokkeydən uzaqlaşdırılıb. Proqramın şərtinə görə, Niçuşkin ondan sonra işə bərpa olunmaqla bağlı ərizə verə biləcək. Bu isə o deməkdi ki, forvardın MHL-in pley-offunda, yəni hazırda davam edən “Dallas”la seriyada buz üzərinə çıxmaq imkanı yoxdu.
Niçuşkin yanvarın 15-dən bəri MHL oyunçularına yardım proqramına qatılmışdı və naməlum xarakterli şəxsi problemlər üzündən iki ayı buraxıb. Valeri bir il əvvəl pley-offun ilk mərhələsinin “Sietl” ilə seriyası zamanı da oyunlardan kənarlaşdırılmışdı. Onun cari mövsümdə pley-offda keçirdiyi 8 oyunda 10 (9+1) xal topladığını da xatırladaq.
Niçuşkinin belə sərt cəza ilə üzləşməsinin səbəbi də aydındı. MHL üzrə insayder Frenk Seravallinin verdiyi məlumata görə, ulduz hokkeyçi yasaq preparatların qəbulu ilə bağlı testdən keçə bilməyib. “The Denver Post”da çalışan amerikalı jurnalist Şon Killer isə Niçuçkinin taleyini maraqlı şəkildə şərh edib:
“Ardıcıl iki pley-off. Valeri Niçuşkin ardıcıl ikinci dəfə pley-offdan qovulur. Hər şey möhtəşəm idi, ancaq bu, sənin üçün dayanacaqdı. “Evelanş” qatarına güvənə biləcəyi mühərriklər lazımdı. Bu adama görə ağlayırsız, onun itkisinə görə qəzəblənirsiz Problemli hücumçunu müdafiə və ona yardım edən rəhbərliyə suallar ünvanlayırsız. Həmin yardım yalnız ona görə imiş ki, hokkeyçi yenidən “yansın”. Hər şey bitdi. Vaxtdı. Niçuşkin sizə daha bir kubok qaldırmaqda yardım edə bilmirsə, ondan imtina etməyin vaxtıdı. Qoy başqa kimsə bu vəzifəni öhdəsinə götürsün”.
Sırf buz üzərində yaşananlara gəlincə, dünən evdə “Vankuver”i məğlub edən “Edmonton” seriyada hesabı bərabərləşdirdi. “Neftçilər”in ilk qolunu alman hücumçu Leon Drayzaytl vurdu. O, pley-offun startından bəri ardıcıl 9-cu oyundu ki, buz üzərindən xalsız ayrılmır. “Edmonton”un tarixində sonuncu dəfə belə seriyaya 1988-ci ildə Mark Messye imza atıb. Ümumiyyətlə, 28 yaşlı Drayzaytl cari pley-offda keçirdiyi 9 oyunda 20 (8+12) xal toplayıb.
14 may
Reyncers – Karolina 1:4 (0:0, 1:0, 0:4)
Seriyada hesab – 3:2.
Kolorado – Dallas 1:5 (0:1, 1:2, 0:2)
Seriyada hesab – 1:3.
15 may
Florida – Boston 1:2 (0:1, 1:1, 0:0)
Seriyada hesab – 3:2.
Edmonton – Vankuver 3:2 (1:0, 1:0, 1:2
Seriyada hesab – 2:2.
