“Monako”nun amerikalı müdafiəçisi Mayk Ceyms basketbol üzrə Avroliqanın başa çatmaqda olan mövsümünün ən dəyərli oyunçusu sayılıb.

“Football-plus.az” xəbər verir ki, o, cari mövsümdə hər oyunda orta hesabla 17,9 xal toplayıb, üçxallıq atışların 37,2 faizini reallaşdırıb, həmçinin 4,1 ribaund və 5,1 məhsuldar ötürmə ilə yadda qalıb. Mayk 2021-ci ildən bəri “knyazlar”ın formasını geyir. “Monako” Avroliqanın 1/4 finalında “Fənərbaxça” ilə qarşılaşıb və bu seriyadan 2:3 hesablı məğlubiyyətlə ayrılıb. Xatırladaq ki, Ceyms müntəzəm çempionatın 28-ci turunda bu turnir üçün yeni xal rekordu müəyyənləşdirib. Hazırda onun hesabında 4623 xal var.

Avroliqada “4-lər finalı”nın mayın 24-26-cı aralığında Berlində keçiriləcəyini də vurğulayaq. Yarımfinal cütləri belədi: “Real” – “Olimpiakos”, “Panatinaikos” – “Fənərbaxça”.