“Həm Avropada oynaya biləcək çoxlu futbolçumuz yoxdu, həm də indidən bu haqda danışmaq tezdi. Yaxşı yerli oyunçuların müqaviləsi var. Başqaları da mövsümün sonunda bilinəcək. Yəni bu, 1-2 ay öncədən verilə bilən qərar deyil. Ad çəkməyə gəlincə, bunun yanlış olduğunu düşünürəm. Çünki hansısa futbolçunun adını çəksən, digərinə hörmətsizlik olur. Aşağı-yuxarı hamının bildiyi, göz önündə olan futbolçular var. Qaldı ki onların Avropada oynaya bilib-bilməyəcəyinə, bu özü də sual altındadı. Ümumiyyətlə, bizim futbolçuların Avropaya getməsi çətin məsələdi”.

“Məncə, bu barədə danışmaq tezdi. Çünki legioner limiti dəyişdirilə bilər. Yəni indiki “7+4” limitində hər bir premyer-liqa komandasında yerli futbolçu var. Limit dəyişdirilib “8+3” olarsa, çox oyunçu gedə bilər. Amma inanmıram ki, “Qarabağ”ın, “Sabah”ın və ya “Neftçi”nin aparıcı yerli futbolçularından kimsə xaricə getsin. Söhbət 90 dəqiqə meydanda olan oyunçulardan gedir. Yığmaya namizədlər, sadəcə, Türkiyəyə gedə bilərlər. Yenə də deyirəm ki, limitlə bağlı qərarı gözləmək lazımdı”.

“Hazırda Azərbaycandan Türkiyəyə gedə biləcək oyunçu çoxdu. Amma təəssüf ki, yerli futbolçular yox, legionerlər diqqət mərkəzindədi. Məsələn, “Qarabağ”ın oyunçusu Olavio Juninyonun “Beşiktaş”ın diqqət mərkəzində olduğunu bilirik. O, qardaş ölkənin başqa klublarının da maraq dairəsindədi. Eyni zamanda “Qarabağ”ın digər legionerlərinə də tələbat var. Amma yerli futbolçularla bağlı Türkiyədən mənə hansısa məlumat verilməyib. Təbii ki, bu fonda “Qarabağ”ın yerli oyunçuları ön planda olacaq. Avropa Liqasındakı uğurlu çıxışa görə bu gözləniləndi. Mövsüm başa çatandan sonra hansı proseslər yaşanacaq, bunu zaman göstərəcək. Amma fikrimcə, superliqa klublarından təklif olarsa, “Qarabağ”ın yerli oyunçularından kimsə gedib çıxış edə bilər. İnanmıram ki, “Qarabağ”dan hansısa futbolçu Türkiyə 1-ci liqasına getsin. Bu mövsüm Türkiyə 1-ci liqasında forma geyən oyunçularımız çox oldu. Son dönəmlərdə “Kocaelispor”da çıxış edən Ramil Şeydayevin performansında artım hiss olunmaqdadı. Coşqun Diniyev cari mövsümdə “Ümraniyəspor”un heyətində pis təsir bağışlamadı. Lakin ötən illərə nisbətən bu mövsüm artım olacağını gözləmirəm. Hətta ola bilər ki, Ramil Şeydayev də Azərbaycana qayıtsın. Qardaş ölkə mediasında çalışan həmkarlarla söhbət edərkən, onlar da bu barədə danışırlar. Ümumiyyətlə, ötən mövsümə nisbətən üzümüzə gələn mövsümdə yerli oyunçuların Türkiyəyə axınının az olacağını düşünürəm”.

“Adana Dəmirpor”da çıxış edən Luis Naninin meneceri Uğurcan Marsak məndən Nani ilə Xese Rodrigesi Azərbaycan klubalarına təklif etməyi xahiş etdi. Həmin futbolçuların bizim çempionata marağı var. 500 min dollar təklif edən olarsa, Azərbaycan çempionatında çıxış edə bilərlər”.