Aleksander İsak böyük məbləğdə ziyana düşüb.

"Football-plus.az" xəbər verir ki, “Nyukasl”ın hücumçusunun evi qarət olunub.

“The Sun” qəzetinin məlumatına görə, qarətçilər futbolçunun avtomobilini də oğurlayıblar. İngiltərə polisi bu məlumatı təsdiqləyib. Lakin hadisə zamanı Aleksandrın və ya ailəsinin evdə olub-olmadığı haqda məlumat verilməyib. Bu, son vaxtlar İngiltərədə futbolçularla bağlı baş verən növbəti hadisədi. Xatırladaq ki, İsakın komanda yoldaşı, braziliyalı hücumçu Joelintonun və “Mançester Siti”nin vingeri Cek Qrilişin də evi qarət edilmişdi.