Kevin de Bruynenin dərdinin üstünə dərd gəlib.
“Football-plus.az” xəbər verir ki, ağır zədəyə görə bu mövsüm rəsmi oyunlarda yalnız bir dəfə meydana çıxan belçikalı futbolçu ziyana düşüb.

“Mançester Siti”nin yarımmüdafiəçisinin ölkəsindəki evi qarət edilib. Belçika və Böyük Britaniya mətbuatının məlumatına görə, hadisə zamanı evdə heç kim olmayıb. Yəqin ki, bunu bilən naməlum şəxslər futbolçunun evinə daxil olublar. Artıq Belçika polisi də qarət hadisəsini təsdiqləyib. Oğurluq əlamətlərini futbolçunun həyat yoldaşı Mişel Lakroix aşkarlayıb.

Cinayətkarlar evin hər yerində axtarış aparıblar. Hər şey alt-üst olub, ona görə də tam olaraq evdən nəyin oğurlandığı qarət hadisəsinin təsdiqləndiyi çərşənbə axşamı məlum olmayıb. Lakin ilk baxışdan zinət əşyalarının oğurlandığı güman edilir.