Lebron daha 21 il oynamağı planlaşdırmır
“Leykers”in ulduzu Lebron Ceyms gələcəklə bağlı planlarından danışıb.
“Football-plus.az” xəbər verir ki, “The Athletic” onun aşağıdakı fikirlərinə yer verib:
“Mən artıq təpənin o biri üzündəyəm. Daha 21 il oynamağı planlaşdırmıram – bu dəqiqdi. Bu qapının nə vaxt bağlanacağını, karyeramı nə vaxt bitirəcəyimi bilmirəm, ancaq o qədər də çox vaxtım qalmayıb”.
Əslində Lebronun belə danışmağa haqqı var. 39 yaşlı amerikalı basketbolçu bu gün də meydanda ən yaxşılardandı. “Leykers” aprelin ilk günündə “Bruklin”i səfərdə 116:104 hesabıyla məğlub etdi və Lebron bu oyunda 40 xal topladı.
Cari mövsümdə keçirdiyi 76 oyunun 43-də qələbə qazanan “gölməçəsevərlər” Qərb konfransının turnir cədvəlinin 9-cu pilləsində qərarlaşıb. Əvvəllər “Klivlend” və “Mayami”nin də formasını geyən Lebron MBA tarixinin snayperləri siyahısında 1-ci yerdədi.
Digər xəbərlər
