''Heç kim bu mövzuda danışmaq istəmir. Danışmaq məcburiyyətində də deyillər. Amma mən bu haqda danışmaqda bir problem görmürəm. Mənim 15 yaşlı qızım var. Onun başına belə bir hadisə gəlsəydi, indi bu müsahibəni vermək üçün burda olmazdım. Qadınlara da, kişilərə də hörmətlə yanaşmaq lazımdı. Günahı sübuta yetirilən şəxs başqalarına da örnək olsun deyə cəzasını çəkməlidi. Bu, çox ciddi bir mövzudu. Məsuliyyəti onun-bunun üstünə atmaq olmaz. Bəlkə də Alves bundan sonra futbol oynaya bilməyəcək. Amma olsun... Ən azından daha həbsdə olmadığına görə sevinməlidi. Çünki pulunu ödədi. Qanuna görə pulunu ödəyib azadlığa çıxdı. Mən ümumiyətlə ona sərt cəza verildiyini düşünmürəm. Ona görə də indi azadlıqdadı. Amma bir qadına qarşı bunu edən şəxsin cəzası daha ağır olmalı idi! Bir anlığa həmin xanımın ailəsinin keçirdiyi hissləri düşünün. Uşaqlarımızı böyütmək, oxutmaq kimi məsuliyyətimiz var. Bu, ailənin üzərinə düşür. Oğullarımızı, qızlarımızı bu cür olayların yaşanmaması üçün oxutmalıyıq''.