Robinyo ilə bağlı yeni qərar verilib. O, həbs cəzasını Braziliyada çəkəcək.

Bu məlumatı CNN yayıb.

Xatırladaq ki, 40 yaşlı braziliyalı sabiq futbolçu 2017-ci ilin noyabrında İtaliya məhkəməsi tərəfindən qrup şəklində zorlamaya görə 9 il müddətinə azadlıqdan məhrum edilib. 2022-ci ilin yanvarında səbəbkarın apellyasiya şikayəti olunub. Həmin ilin fevralında İtaliya Prokurorluğu Robinyonun həbsi üçün beynəlxalq order verib. Bir neçə gün isə Braziliya Ali Məhkəməsinin iclası keçirilib. Kollegiya səs çoxluğu ilə sabiq futbolçunun cəzasını vətənində çəkməsi ilə bağlı qərarı təsdiqləyib. Xəbərdə Robinyonun vəkillərinin apellyasiya şikayəti verə biləcəyi də vurğulanır.

Qeyd edək ki, Robinyo və daha 5 nəfər 22 yaşlı albaniyalı qadına qrup şəklində təcavüz etmişdi. Hadisə 2013-cü il yanvarın 22-də Milanda baş vermişdi. Lakin həmin vaxt eyniadlı klubda çıxış edən braziliyalı günahını etiraf etməmişdi.