Robert Levandovskinin yaxın gələcəkdə yaxşıca qazanmaq şansı olub.

Amma o, bu şansdan istifadə etməməyi lazım bilib. “Barselona”nın hücumçusu Səudiyyə Ərəbistanınnın adı açıqlanmayan bir klubundan ildə 100 milyon dollar (92 milyon avro) maaşı nəzərdə tutan təklif alıb. Lakin “Mundo Depirtivo”nun məlumatına görə, 35 yaşlı futbolçu cəlbedici təklifi rədd edib. Robert “Barselona”da xoşbəxt olduğu və komandadan ayrılmaq istəmədiyi üçün Asiya ölkəsinə getməkdən imtina edib.

Levandovski bu mövsüm bütün turnirlərdə 39 matça çıxıb, 20 qol vurub və 9 məhsuldar ötürmə edib.