Yığmanın martın 18-də başlayan təlim-məşq toplanışı 25-dək davam edəcək.

Baş məşqçi səlahiyyətlərini yerinə yetirən Arif Əsədovun milliyə dəvət etdiyi futbolçular sırasında Ramil Şeydayev də var. Maraqlıdı ki, hücumçunun yığmaya çağrılmasını "Kocaelispor" azarkeşləri birmənalı qarşılamayıb.

Onlar klubun rəsmi “feysbuk” səhifəsində Ramilin ümidləri doğrultmadığını və yığmaya kömək edə biləcək səviyyədə olmadığını yazıb. Əlbəttə, fərqli düşünənlər də var...

"Football-plus.az" sizi bəzi fikirlərlə tanış edir.

"Ramil "Kocaelispor"a pul və formasını itirməmək üçün gəldi. Əslində daha böyük klublarda oynaya biləcək futbolçudu. Sadəcə, şans vermirlər"

"Türkiyənin aşağı liqa klubunda heç nə bacarmayanın millidə nə işi var? Deyəsən, Ramilə keçmiş xatirinə hörmət ediblər"
"Azərbaycan millisinin oyunlarını mütləq izləyəcəm. Görək, Ramil "Kocaelispor"da bügün gücüylə oynayır, yoxsa məqsədi, sadəcə, maaş almaqdı?!"

"Mənə elə gəlir ki, Ramili çağıranlar uzun müddətdi onu izləmir"

"Meydan boş qalmasın deyə dəvət edilib. "Kocaelispor"da olduğu kimi ora-bura qaçacaq"

"Kocaelispor"un baş məşqçisi millinin oyunlarını izləməlidi. Görək Azərbaycanda ona hansı mövqedə şans verilir? Hansı tərzdə oynayanda daha faydalı iş görür? Bunları bilsək, Ramilin potensialından daha rahat yararlanarıq"

"Ramil millidə çox yaxşı oynayacaq. "Kocaelispor"da bütün potensialını ortaya qoymur. Bizə gələn yatıb pul qazanmaq istəyir"

"Yəqin ki, "Kocaelispor"da qol və məhsuldar ötürmələrlə diqqəti çəkib... Gülməli dəvətdi"

"Mümkündüsə, Azərbaycanda qalsın"

"Ramil çox güclü futbolçudu. İnanmayanlar varsa, Azərbaycan millisindəki və "Qarabağ"dakı oyununu izləsin. Adam mərkəz hücumçusudu. Ona "Kocaelispor"da həmin mövqedə şans vermək lazımdı"

"Görəsən, bizim mütəxəssislərin görmədiyi nəyi görüblər Ramildə?!"

KƏNAN BAHADIR