“Şaxtyor” iki uğursuz oyundan sonra, nəhayət, qələbə qazana bildi.

“Football-plus.az” xəbər verir ki, “Metallist 1925” ilə oyunda fasilədən sonra iki cavabsız qol vuran donetsklilər 28 xalla 4-cü pillədə qərarlaşıb. Onların ehtiyatda iki oyununun olduğunu da nəzərə alsaq, potensial liderdilər.

Turun əsas sensasiyası Dneprdə baş verdi. Ortabablardan “Vorskla” səfərdə lider “Dnepr” üzərində əzmkar qələbə qazandı. Artıq 3-cü dəqiqədə hesabı açan meydan sahibləri bununla da işini bitmiş saydı. Poltavalılar hissənin sonuna qədər iki qol vurdu.

“Minay” – “Dinamo” oyunu isə təxirə salındı. Bazar günü, Bakı vaxtı ilə saat 15.00-da başlayan qarşılaşma artıq 2-ci dəqiqədə hava həyəcanı siqnalı üzündən dayandırıldı. Oyunu bərpa etmək üçün müəyyənləşdirilən son saat 16.30 idi, bundan sonra başlamaq artıq real deyildi. “Minay”ın ev oyunlarını keçirdiyi stadionda işıqlandırma sistemi yoxdu. Çox güman, bu oyun yazda keçiriləcək.

Turun qalan oyunlarına gəlincə, Emil Mustafayevin şərəfini qoruduğu “Polesye” qələbəyə çox yaxın idi. Ancaq 90+5-ci dəqiqədə Şestakov “Veres”i sevindirən, jitomirliləri məyus edən qolu vurdu. Emil 72-ci dəqiqədə meydana çıxdı və heç nə ilə yadda qalmadı. “Aleksandriya” üzərində əzmkar qələbə qazanan “Krivbass” turnir cədvəlinin şərikli liderlərindəndi. “Kolos” – “Obolon” oyunu qolsuz bitdi. Kovalyovka klubu məğlubiyyətsiz oyunlar seriyasını 9-a çatdırdısa, “pivəçilər” artıq 5 oyundu qələbəyə həsrətdi. Roman Qriqorçukun çalışdırdığı “Çernomorets” ardıcıl 4-cü oyunda da uduzdu. Son mövsümün bürünc medalçısı “Zarya” “Rux”un müqavimətini qıra bilmədi.

16-cı tur
Şaxtyor – Metallist 1925 2:0
Zubkov, 59. Krıskiv, 78-p.
Şaxtyor: Riznık, Azarov, Bondar, Matviyenko, Qoçoleyşvili, Stepanenko, Bondarenko (Nazarina, 76), Krıskiv (Oçeretko, 90+2), Neverton (Yeginaldo, 46), Sikan (Kelsi, 87), Zubkov.
Dnepr-1 – Vorskla 1:2
Lednev, 3 – Çelyadin, 31. Felipe, 42.
Dnepr-1: Volınets, Adamyuk (Pasiç, 61), Svatok, Lednev (Koşta, 73), Miroşniçenko, Babenko, Sarapi, Rubçinski, Pixalenok, Filippov (Tançik, 61), Qutsulyak.
Polesye – Veres 1:1
Kruşinski, 68 – Şestakov, 90+5.
Kolos – Obolon 0:0
Krivbass – Aleksandriya 2:1
Poe, 79. Bizimana, 83 – Şulyanski, 30.
Çernomorets – LNZ 1:3
Ştoqrin, 75 – Xoblenko, 52. Naumets, 83. Oleynik, 90+4.
Zarya – Rux 0:0
“Minay” – “Dinamo” oyunu təxirə salınıb.
1. Krivbass 16 10 3 3 29-15 33
2. Dnepr-1 16 10 3 3 25-15 33
3. Polesye 16 9 4 3 23-11 31
4. Şaxtyor 14 8 4 2 24-13 28
5. Rux 16 6 7 3 24-18 25
6. Dinamo 12 7 1 4 27-16 22
7. Vorskla 16 6 4 6 17-24 22
8. Kolos 15 4 9 2 11-9 21
9. LNZ 16 5 5 6 17-18 20
10. Çernomorets 15 6 1 8 24-24 19
11. Metallist 1925 15 4 3 8 15-21 15
12. Obolon 15 3 5 7 10-20 14
13. Aleksandriya 15 3 4 8 9-20 13
14. Veres 15 2 6 7 15-24 12
15. Zarya 13 2 5 6 13-17 11
16. Minay 15 0 6 9 6-24 6
Bombardirlər: Buyalski (Dinamo), Zaderaka, Kojuşko (hər ikisi “Krivbass”), Ştoqrin (Çernomorets) - 6.
Növbəti turun oyunları dekabrın 8-11-i aralığında keçiriləcək: Şaxtyor – Veres, Polesye – Dnepr-1, LNZ – Minay, Krivbass – Zarya, Vorskla – Rux, Çernomorets – Kolos, Dinamo – Obolon, Metallist 1925 – Aleksandriya.