“Qarabağ”ın 14 yaşadək futbolçulardan ibarət komandası Belarusda keçirilən beynəlxalq turnirə qələbəylə başlayıb.

"Football-plus.az" xəbər verir ki, Asif Əlizadənin baş məşqçisi olduğu komanda Minskdə təşkil olunan “Bizim gələcəyimiz” turnirinin ilk turunda Rusiya “Lavina”sı ilə görüşüb.

C qrupunda yer alan "Köhlən atlar" bu qarşılaşmada 6:0 hesabı ilə rəqibi darmadağın edib. 2-ci dəqiqədə Əhəd Hacızadə hesabı açıb.Oyunun 4 və 6-cı dəqiqələrində Daniil Rəcəbov, 8-ci dəqiqədə Vaqif Nəbiyev, 20-ci dəqiqədə Seyid Zalov, 39-cu dəqiqədə Murad İsmayılov qol vurub.

Qeyd edək ki, "Qarabağ" qrupdakı digər iki matçını bu gün keçirəcək. “Qarabağ” öncə “Rotor”la, ardınca BATE ilə qarşılaşacaq.