Çərşənbə günü, martın 13-də “Spartak”nın 32 yaşlı niderlandlı hücumçusu Kvinsi Promesin Birləşmiş Ərəb Əmirliklərinin paytaxtı Dubayda saxlanılması haqda xəbər yayıldı.

"Football-plus.az" xəbər verir ki, bu həbs Niderlandın futbolçunun ekstradisiyası ilə bağlı sorğusu əsasında həyata keçirilib. Xatırladaq ki, Amsterdam Məhkəməsi bir neçə gün əvvəl Promesə narkotik qaçaqmalçılığına görə 6 il həbs cəzası verib. Forvard ötən il də 2020-ci ilin iyulunda əmisi oğluna bıçaqla xəsarət yetirdiyinə görə ilyarımlıq həbs cəzası alıb.

Vəkillər
Promesin vəkilləri Sofi Hof və Robert Maleviç BƏƏ-də saxlanılma xəbərini alan kimi rəsmi bəyanatla çıxış edib. “Cleerdin & Hamer Advocaten” şirkətinin saytında yer alan bəyanatın məzmunu: “Müxtəlif kütləvi informasiya vasitələri müştərimiz Kvinsi Pomesin Dubayda həbs olunması ilə bağlı məlumat yayıb. Niderland Prokurorluğu bildirir ki, Moskvada yaşayan 32 yaşlı niderlandlı bu ölkəyə ekstradisiya olunmaq məqsədi ilə həbs olunub. Prokurorluğun bu sorğusu üçün əsas rolunu Amsterdam dairə məhkəməsinin futbolçunun narkotiklərin daşınmasında güman olunan iştirakı ilə bağlı 14 fevral 2024-cü il tarixli hökmü oynaya bilər. Məhkəmə Promesə 6 illik həbs cəzası kəsib.

Kvinsi Promes həmişə məhkəmənin iddia etdiyi faktlara əlaqəsini inkar edib, bu üzdən biz Promesin adından Amsterdam Məhkəməsinin hökmündən şikayət etmişik. Tərəfimizdən həminin Amsterdam Apellyasiya Məhkəməsinə təhqiqatla bağlı bir neçə yeni sorğu göndərilib. Bu isə o deməkdi ki, Amsterdam Məhkəməsinin hökmu yekun verdikt ola bilməz. Promesin bu məsələdə güman olunan roluna Amsterdam Apellyasiya Məhkəməsində tam yenidən baxılacaq. Niderlanddakı apellyasiya araşdırmasının nə vaxt başa çatacağı hələ bəlli deyil. Bundan sonra ittiham və müdafiə tərəfinin Niderland Ali Məhkəməsinə kassasiya apellyasıyası göndərmək imkanı da olacaq.

Birləşmiş Ərəb Əmirliklərində indi ekstradisiya prosesi ilə bağlı prosedur başa çatdırılmalıdı. Qeyd etmək istəyirik ki, Dubaydakı müstəqil hakim Niderlanın ekstradisiya ilə bağlı sorğusunu cavablayacaq. Ekstradisiya prosesi ümumilikdə yetərincə uzun vaxt ala bilər, çoxlu formal addımları və tələbləri özündə ehtiva edir. Ekstradisiyanın nəticəsini və davamiyyətini proqnozlaşdırmaq mümkünsüzdü.

Nəhayət, biz ekstradisiya haqqında qanunda göstərilən qarşılıqlı etimad prinsipinə söykənmək istəyirik. Bu prinsipə uyğun olaraq, dövlətlərin və müvafiq orqanların məhkəmə qaydasında araşdırılan ekstradisiya prosedurunu şərh etməsi məqsədəuyğun deyil. Bu üzdən ekstradisiya məsələsi Birləşmiş Ərəb Əmirliklərində məhkəmə qaydasında müzakirə olunduğu müddətdə heç bir başqa bəyanatla çıxış etməyəcəyik”.

“Spartak”
Moskva klubu da bu olayla bağlı bəyanat yayıb: