“Spartak” rəhbərliyi, komandanın məqşçiləri və oyunçuları Kvinsi Promesə görə narahatdılar.

Komanda BƏƏ-də keçirdiyi təlim-məşq toplanışından Rusiyaya onsuz qayıdıb.

Niderlandlı hücumçu Dubaydakı hava limanında saxlanılıb. Cümə axşamı futbolçunun Asiya ölkəsini nə üçün tərk edə bilməməsinə rəsmən aydınlıq gətirilməyib. İstər-istəməz onun ölkəsində hüquqla bağlı problemlərinin olduğu yada düşüb. Xatrladaq ki, Amsterdam məhkəməsi bir neçə həftə əvvəl Kvinsini narkotik qaçaqmalçılığı ittihamı ilə təqsirli bilib. O, 6 il müddətinə azadlıqdan məhrum edilib. Bir müddət əvvəl “Spartak”ın hücumçusunun təxminən 1370 kq ağırlığında külli miqdarda kokainin qaçaqmalçılığında iştirak etdiyi haqda xəbər yayılmışdı. 32 yaşlı futbolçunun digər problemi isə 2020-ci ilin iyulunda əmisi oğlunu bıçaqlaması ilə bağlıdı.

Məhkəmə qonaqlıq zamanı qohumuna soyuq silahla bir neçə xəsarət yetirdiyi üçün ona 2023-cü il iyunun 19-da 1,5 illik həbs cəzası kəsmişdi. Lakin hökm veriləndən sonra Niderlanda getməyən futbolçu real olaraq məsuliyyətə cəlb olunmayıb.
Niderlandın hüquq-mühafizə orqanlarının BƏƏ-dən Kvinsinin ekstradisiyasını istəməsi təbii sayılırdı. Lakin cümə günü ortaya yeni səbəb çıxıb. İvan Karpov başda olmaqla bir sıra insayderlər futbolçunun BƏƏ-də saxlanlmasının başqa səbəblə bağlı olduğunu bildirib. İddiaya əsasən, o, bu ölkədə yol-nəqliyyat hadisəsi törədib və hadisə yerindən qaçıb. Əmirlikdə belə cinayətə əla atan şəxs bir aydan 3 ilə qədər həbs cəzasına məhkum edilə bilər. Belə aqibətlə üzləşəcəyi halda “Spartak”ın Promes ilə müqaviləni pozacağı da bildirilir. Deyilənə görə, klubun idman direktoru Tomaş Amaral artıq onun yerinə oyunçu axtarışına başlayıb.