“Vaşinqton”un hücumçusu Aleksandr Oveçkin srağagün “Vinnipeq”ə qarşı oynamaqla MHL-də oyun sayını 1407-yə çatdırdı.

"Football-plus.az" xəbər verir ki, 38 yaşlı forvard bu göstəricidə “Kepitalz”ın sabiq hokkeyçisi Deyl Hanterə çatdı və onunla MHL tarixində 40-cı yeri bölüşür. 39-cu pillədə qərarlaşan Pol Koffu 1409 oyun keçirib. MHL tarixində oyun sayına görə rekordçu isə Patrik Marlodu (1779).

Bu arada MHL rəsmi saytında ötən həftənin ən yaxşı oyunçularının adını açıqlayıb. “Kolorado”nun üç oyunda 10 (3+7) xal toplayan ulduzu Neytan Makkinnon hamını qabaqlayıb. “Boston”un çexiyalı forvardı Pavel Zaha 4 oyunda 7 (5+2) xal toplamaqla həftənin ikinci ulduzu olub. Həftə ərzində keçirdiyi üç oyunun hamısında qələbə qazanan “Vankuver”in kapitanı Tetçer Demko isə 3-cü ulduzdu. Makkinnonun hazırda 113 (41+72) xalla bombardirlər siyahısına başçılıq etdiyini də xatırladaq.

12 mart
Boston – Sent-Luis 1:5 (0:2, 0:2, 1:1)
Reyncers – Nyu-Cersi 3:1 (0:0, 2:0, 1:1)
Vinnipeq – Vaşinqton 3:0 (1:0, 1:0, 1:0)
Los-Anceles – Aylenders 3:0 (0:0, 1:0, 2:0)
13 mart
Baffalo – Detroyt 7:3 (4:1, 3:1, 0:1)
Karolina – Reyncers 0:1 (0:1, 0:0, 0:0)
Monreal – Kolambus 3:0 (3:0, 0:0, 0:0)
Ottava – Pittsburq 2:1 ОТ (0:0, 0:0, 1:1, 1:0)
Filadelfiya – San-Xose 3:2 (1:1, 1:1, 1:0)
Dallas – Florida 3:4 (1:0, 2:1, 0:3)
Minnesota – Arizona 4:1 (1:0, 1:1, 2:0)
Çikaqo – Anahaym 7:2 (1:1, 3:1, 3:0)
Kalqari – Kolorado 2:6 (2:1, 0:5, 0:0)
Sietl – Veqas 4:5 ОТ (0:0, 1:2, 3:2, 0:1)