"Növbəti mərhələyə vəsiqə qazana bilərik"
Sabah Avropa Liqasında 1/8 final mərhələsinin cavab oyunları keçiriləcək.
"Football-plus.az" xəbər verir ki, "Qarabağ" "Bayer-04"ün qonağı olacaq. Matçdan öncə ağdamlıların futbolçusu Andrey Lunyov mətbuat konfransında iştirak edib. Sizi onun fikirləri ilə tanış edirik:
"Sabah bizi maraqlı və gözəl oyun gözləyir. Çünki növbəti mərhələyə vəsiqə qazana bilərik. Bir həftə öncə təəssüf ki, Bakıdakı matçda rəqibi məğlub edə bilmədik".
- Mərhələni keçmək şansını necə dəyərləndirirsən?
- Şanslar 50-nin 50-yədi. Bu, futboldu, oyun 90 dəqiqədi. Hər iki komandada 11 nəfər oynayır. Sabah əlimizə düşən fürsətdən istifadə etməyə, öz oyunumuzu oynamağa çalışacağıq.
- "Bayer"də çıxış etmisən. Onlara qarşı oynamaq sənin üçün xüsusi motivasiyadı?
- Hər oyuna xüsusi motivasiya ilə çıxıram. Sabahkı oyun çox vacibdi. Məşqçilər korpusu rəqibi analiz edib bizə məlumatlar verir. Bu komandaya qarşı oynamışıq, rəqibi çox gözəl tanıyırıq. Meydana yüksək motivasiya ilə çıxıb yaxşı oyun göstərəcəyik.
Digər xəbərlər
