"İnşallah, "Ağsu Siti" fəaliyyətə başlayır. İddialı klub yaradırıq. Tezliklə Ağsu şəhər stadionunda görülən təmir-bərpa işlərinin sona çatacağını bilirik. Hədəfimiz 2-ci liqada çıxış etməkdi. Hələ ki AFFA-dakı rəhbər dəyişikliyini gözləyirik. Vaxtilə bizim üçün yaradılan süni problemlərin bundan sonra gündəmə gəlməyəcəyini ümid edirik. Yəqin ki, yeni simalar şəxsi prinsipləri işə yansıtmazlar. Layiqli şəxslərin vacib vəzifələrə gəlməsini arzulayırıq. Hazırda Ağsunu təmsil edən "Difai Ağsu" oyunlarını Şamaxıda keçirir, sonra da Bakıya qayıdır. Bu klubun Ağsuda futbolun inkişafı üçün nə edəcəyi maraqlıdı. Nə altyapısı var, nə uşaq futbolu, nə də yaxşı nəticələri... Bölgəmizi layiqli komanda təmsil etməlidi. Bunun üçün əlimizdən gələni əsirgəməyəcəyik".