Romelu Lukaku mövsümlərarası dövrdə “İnter”ə qayıtmaq istəyir. Özü də 29 yaşlı hücumçu transfer olunmasında israrlıdı. “The Telegraph” hər iki klubdakı qaynaqlarına istinadla yazır ki, belçikalı uğursuz mövsümdən sonra “Çelsi”də qalmağı planlaşdırmır. Bir neçə gün əvvəl isə Lukakunun vəkilinin mayın sonunda “İnter” rəhbərliyi ilə mümkün dönüşü müzakirə etməsi ilə bağlı xəbər yayılmışdı.
Xatırladaq ki, “Çelsi” bir il əvvəl hücumçuya görə 97,5 milyon funt (105 milyon avro) ödəmişdi. Londonlular isə yalnız münasib təklif – birillik icarəyə görə 20 milyon funt – alacağı təqdirdə forvardı buraxacaq. Lukaku özü də belədə maaşının azaldılmasına razılaşmalı olacaq.