"İqor Ponomoryovun bu gün doğum günüdü, onu təbrik edirəm. Əsas can-sağlığıdı. Bu gün hər cür nəticə ola bilərdi. "Sabah" yaxşı komandadı. Hansı rəqibə qarşı oynayacağımızı bilirdik. Onların keyfiyyətli oyunçuları var. Təşkilatlanmış kollektivdi, oyun stilinə sahibdilər. Bizim üçün çətin idi, ilk yarıda hücum qurmağa tələsirdik. Fasilədən sonra dinamik futbol oldu, qarşılıqlı hücumlar şəraitində keçən oyun idi. Azarkeşlər üçün də maraqlı matç alındı. Qapılar qarşısında yetərincə qol epizodları yarandı. Bu gün "Səbail" kompakt, komanda şəkildə xarakteri özünü göstərdi. Futbolçular meydanın hər qarışı uğrunda canlarını, başlarını qoymağa hazır idilər. Komandanın toparlanması məni sevindirir. Müdafiədə səhvlər etmədik. Hücumda potensialımız böyükdü. Sadəcə, müdafiədə kobud səhvlər olurdu. Ötən oyunda iki müdafiəçimizin hədiyyəsindən sonra 2:2 olmuşdu. Bu gün həmin hədiyyələr olmadı. Komanda düzgün yoldadı. Artıq sabit heyətə yaxınıq. Heyət olacaqsa, oyun və nəticə olacaq. "Sabah"a gələcək oyunlarda uğurlar arzulayıram".

"Football-plus.az" xəbər verir ki, bu sözləri premyer-liqanın 24-cü turunun "Sabah"la görüşündən sonra "Səbail"in baş məşqçisi Şahin Diniyev mətbuat konfransında deyib.

O, jurnalistlərin suallarını cavablandırıb.

- Verilməyən penalti epizodunuz var idi. Təkrara baxdınız?- İkitərəfli idi. Həm verə bilərdi, həm də verməyə bilərdi. Baş hakim belə qərar verdi və hörmətlə yanaşıram.

- Ağabala Ramazanovun durumu necədi?
- Fərdi şəkildə sağlamlıq idmanı ilə məşğuldu. Peşəkar idmanla yox. Özünü bərpa etdikdən sonra martda məşqlərə qayıda biləcək.