AFFA-nın təşkilatçılığı, UEFA-nın dəstəyi ilə keçirilən “Self Evaluation Workshops” seminarına yekun vurulub.

"Football-plus.az" xəbər verir ki, Bakıda səfərdə olan UEFA nümayəndələri Helen Kroft, Ceff Devis və Diana Bulqaru Azərbaycan Eşitməqüsurlular Futbol Federasiyası və Azərbaycan Amputant Futbol Federasiyasının rəhbərliyi ilə görüşüb.

Görüş zamanı Azərbaycanda fiziki qüsurlu şəxslərin futbol vasitəsilə cəmiyyətə inteqrasiyası, bu istiqamətdə bu günə qədər görülən işlər və digər mövzular barədə müzakirələr aparılıb. Qonaqlar sonra amputant futbolçular arasında keçirilən yoldaşlıq görüşünü izləyib.

Seminarın sonuncu günündə UEFA nümayəndələri AFFA-nın baş katibi Sərxan Hacıyevlə görüşüb. Görüşdə 3 gün davam etmiş seminar haqqında fikir mübadiləsi aparılıb. Sonda Sərxan Hacıyev qonaqlara millimizin formasını təqdim edib.