“Qurban Qurbanovun dərs çıxardığını düşünürəm” - AÇIQLAMA
Bu gün Çempionlar Liqasının 2-ci təsnifat mərhələsi çərçivəsində "Qarabağ" - "Sürix" matçı keçiriləcək.
"Football-plus.az" saytı olaraq 20.00-da Tofiq Bəhramov adına Respublika stadionunda başlayacaq görüşlə bağlı mütəxəssis fikri öyrəndik. Ramiz Məmmədov bunları söylədi:
"Qarabağ"ın evdə daha yaradıcı, istəkli olduğunu dəfələrlə görmüşük. Ağdam təmsilçisinin uğur qazanacağına inansam da, asan qələbə qazanacağını düşünmürəm. Həmişə böyük zəfərlərdən sonra eyforiya, arxayınlıq olur. Baş məşqçinin ən vacib işlərindən biri bunun qarşısnı almaqdı. Futbolda arxayınlığın hansı fəsadlara gətirb çıxarması ilə bağlı minlərlə faktlar var. Yaxın keçmişdə "Qarabağ" evdə Kipr APOEL-iylə oyunda arxayınlığın güdazına gedərək məğlub olub, qrupdan çıxa bilmədi. Odu ki, futbolçular və Qurban Qurbanovun həmin oyundan dərs çıxardığını düşünürəm. İsveçrə çempionatı güclüdü, "Sürix" də "Lex"dən güclü rəqibdi. Amma keçilməz komanda deyil. Rəqibin son ev oyununda "Yanq Boyz"a 0:4 hesablı məğlubiyyəti də onu göstərir ki, komandanın müdafiə xəttində boşluqlar var. "Qarabağ" İsveçrə təmsilçisinin müdafiədəki boşluqlarından, xətlərarası əlaqənin zəifliyindən istifadə edərək öz oyununu oynamalı, qollar vurmalı və qələbə qazanmalıdı. Komandamıza bugünkü matçda uğurlar arzulayır, qələbə qazanacaqlarına inanıram".
ABDULLA İSMAYILOĞLU
Digər xəbərlər
