Qleyson Bremer “Yuventus”u yayda tərk edə bilər.

İtaliya mənbələrinin məlumatına görə, Turin klubunun rəhbərliyi 26 yaşlı oyunçunu ən azı 75 milyon avroya satmağa hazırdı. Braziliyalı futbolçu uğrunda “Real”, “Arsenal” və “Mançester Yunayted”in mübarizə apardığı bildirilir.

Bremer “Yuventus”a 2022-ci ilin yayında 44 milyon avroya “Torino”dan keçib. Braziliyalı müdafiəçi bu mövsüm komandada bütün turnirlərdə 26 oyuna çıxıb və 2 qol vurub. Onun Turin klubu ilə müqaviləsinin müddəti 2028-ci il iyunun sonuna qədərdi.