Niderlandlı mütəxəssis Erik ten Haq “Mançester Yunayted”in baş məşqçisi vəzifəsində fəaliyyətini davam etdirəcək.

Bu haqda həmkarımız Stiv Beyts sosial şəbəkə hesabında məlumat yayıb. Onun iddiasına görə, İngiltərə klubunun rəhbərliyinin 54 yaşlı məşqçi ilə vidalaşmaq niyyəti yoxdu. Ten Haqın istefası yalnız komanda cari mövsümün sonunu boşa verəcəyi təqdirdə aktuallaşacaq.

Ten Haq 2022-ci ilin aprelindən bəri MY-nin “sükanı arxasındadı”. Komanda onun rəhbərliyi altında 2022/23 mövsümündə Liqa kubokunu qazanıb. “Qırmızı şeytanlar” hazırda 23 turdan sonra 38 xalla 6-cı pillədə qərarlaşıb.