Seko Fofana Səudiyyə Ərəbistanında iş yerini dəyişib.

“Əl-Nəssr” futbolçunu icarəyə verib. Afrikalı yarımmüdafiəçi mövsümün sonuna kimi “Əl-İttifaq”da çıxış edəcək. Bu barədə “Əl-Nəssr”in mətbuat xidməti məlumat yayıb.

Fofana bu mövsüm 19 oyunda meydana çıxıb və 2 qol vurub. Onun “Əl-Nəssr” ilə müqaviləsinin müddəti 2026-cı ilin yayına qədərdi. Kot d’İvuar yığmasının oyunçusu əvvəllər Avropada “Mançester Siti”, “Fulhem”, “Bastiya”, “Udineze” və “Lans” klublarında oynayıb.