Son günlər Zinəddin Zidanın adı bir sıra komandalarla birgə çəkilib.

məşqçilik karyerasını bərpa etmək şansı olub.

Lakin “Real”ın sabiq baş məşqçisi Əlcəzair Futbol Federasiyasının (ƏFF) ölkənin milli komandasını çalışdırmaq təklifini qəbul etməyib. “Ekip” nəşrinin məlumatına görə, fransalı mütəxəssis qurumun ona göstərdiyi maraqdan məmnun olsa da, təklifdən imtina etmək qərarına gəlib. Xatırladaq ki, yanvarın 24-də ƏFF-nin prezidenti Valid Sadi komandanın Afrika Millətlər Kubokunda uğursuz çıxışına görə baş məşqçi Camel Belmadinin vəzifəsindən azad edildiyini açıqlamışdı. Əlcəzair yığması Anqola, Burkina Faso və Mavritaniyanın da yarışdığı D qrupunda sonuncu yeri tutub. Zidanın adı bu komandadan başqa “Marsel”lə də birgə hallanır. İddiaya görə, o, tezliklə Fransa klubuna təyinat ala bilər.

Lakin “RMC Sport”un Zidanın gələcək planları haqda məlumatı tam fərqlidi. 51 yaşlı mütəxəssis yalnız Fransa yığmasını çalışdırmaq istəyir, bu səbəbdən başqa yerdə işləmək fikrində deyil. Deyilənə görə, onun ailəsi bu varianta son dərəcə müsbət yanaşır. DÇ-1998-in qalibi yenidən məşqçilik etməyə tələsmir. O, Fransa millisinin baş məşqçisi Didye Deşamın müqaviləsinin müddətinin bitməsini gözləməyə hazırdı. Deşamın sözləşməsi isə 2026-cı ilin yayında qüvvədən düşəcək.