Zinəddin Zidanın məşqçilik karyerasını bərpa etmək şansı olub.

Lakin o, Əlcəzair Futbol Federasiyasının (ƏFF) ölkənin milli komandasını çalışdırmaq təklifini rədd edib. «Ekip» nəşrinin məlumatına görə, fransalı mütəxəssis qurumun ona göstərdiyi maraqdan məmnun olsa da, təklifdən imtina etmək qərarına gəlib.

Xatırladaq ki, yanvarın 24-də ƏFF-nin prezidenti Valid Sadi komandanın Afrika Millətlər Kubokunda uğursuz çıxışına görə baş məşqçi Camel Belmadinin vəzifəsindən azad edildiyini açıqlamışdı. Əlcəzair yığması Anqola, Burkina Faso və Mavritaniyanın da yarışdığı D qrupunda sonuncu yeri tutub.