“Düzdü, Krneta bizə uyğun futbolçu deyil. Bunlar ilkin fikirlərimdi. İndiyə qədər iki dəfə komandayla birgə məşq edib. Qane etmir. Bir müddət daha düşərgədə saxlayıb tam təhlil edəcəyik. Yekun qərarı verməyə tələsmirik. “Səbail”dən Adil Nağıyevlə danışıq aparmaq niyyətindəydik. Lakin bu variant da alınmadı. Qısası, heyətin komplektləşdirilməsi üzrə işlər tam arzuladığım kimi deyil. Yəni qaneedici legioner və yerli futbolçularla anlaşa bilsəydik, daha yaxşı olardı. Sizin vasitənizlə deyim ki, təklif gözləyirik. O mənada ki, bizə hər mənada uyğun əcnəbi və yerli futbolçu lazımdı. “Transfer pəncərəsi” bağlanana qədər nəzərdə tutduğumuz işləri görə bilməsək, əlimizdəki heyətlə hədəfə çatmağa çalışacağıq”.