"Əvvəllər belə Rusiya pasportu olan futbolçular çox rahat şəkildə həm qonşu ölkənin premyer-liqasında çıxış edə bilir, həm də legioner hesab olunmurdular. Hətta həmin pasportun daşıyıcıları, başqa ölkələrin millilərində çıxşı etmələrinə rəğmən, yenə də Rusiyada legioner sayılmırdılar. Sonralar isə bu qayda aradan qaldırıldı. Əvəzində Rusiya millisində oynamaq ehtimalı olmayan istənilən Rusiya pasportu daşıyanlar başqa yığmalarda çıxış etməyi seçdikləri təqdirdə legioner sayılırdı. Görünür, yenidən köhnə qanunlar Rusiya futbolunda bərpa olunur. Belə olan halda isə Ayaz Quliyevin həm milli komandamızda oynaması, həm də Rusiyada legioner sayılmaması perspektivi yaranır".