"Sabah" ölkə kuboku 1/4 final mərhələsinin ilk oyunu çərçivəsində "Qarabağ"la qarşılaşacaq.

"Football-plus.az" xəbər verir ki, Masazır təmsilçisi bu görüşə itkilərlə çıxacaq.

Zədəli Kristian Sebalyos fərdi məşq edir. İki həftə əvvəl sıradan çıxan Con İrasabal hələ ki, sıraya qayıtmayıb.

Premyer-liqanın 20-ci turunun "Zirə" ilə matçını xəstəlik səbəbindən buraxan Boyan Letiç artıq sağalıb. 31 yaşlı sol cinah müdafiəçisi kollektivlə birlikdədir və oynamağa hazırdı.

"Zirə" ilə görüşdə iştirak etməyən Ayaz Quliyevin isə zədəsi ciddi deyil. Meydana çıxıb-çıxmayacağı həkimlərin və məşqçilər korpusunun rəyi əsasında oyun günü müəyyənləşəcək.

Qeyd edək ki, "Sabah" - "Qarabağ" qarşılaşması sabah saat 19.00-da "Bank Respublika Arena"da baş tutacaq.